Віншаванне кіраўніцтва Віцебскай вобласці хрысціянам, якія святкуюць Божае Нараджэнне 25 снежня

Дарагія жыхары Віцебшчыны!

Шчыра віншуем усіх хрысціян, якія святкуюць Божае Нараджэнне 25 снежня.

Адно з галоўных свят вернікаў Раство Хрыстова сагравае сэрцы людзей промнямі цёплых пачуццяў. Гэты ўрачысты час умацоўвае веру ў дабро, напаўняе нас духоўнымі сіламі, яднае сем'і. Свята дае пачатак новаму жыццю, нагадвае пра адказнасць за мір і згоду паміж людзьмі. Яно вяртае нас да вытокаў спрадвечных каштоўнасцяў, да ідэалаў маралі і міласэрнасці.

Няхай глыбокі сэнс вялікай урачыстасці спадарожнічае вашым добрым справам і распачынанням, вучыць адданасці роднай зямлі.

У святочныя дні, прасякнутыя зместам простай евангельскай гісторыі, якая адбывалася больш за дзве тысячы год таму ў Віфлееме, мы будуем новыя планы на будучыню, адкрываем сэрцы для блізкіх людзей.

Няхай здзяйсняюцца вашы жаданні, а ў сем’ях шчыруе любоў і спагада! Жадаем здароўя, шчасця, поспехаў у справах!

Радасных калядных свят!