В настоящую спортивную деревню превратился столичный микрорайон Веснянка. На «Минскую лыжню» собрались тысячи участников – профессионалы и любители, министры и пенсионеры, взрослые и дети. На лыжи встали все. Этой традиции уже более 30 лет.

Каля ста навукоўцаў прадставяць Віцебскую вобласць на другім з\'ездзе вучоных 12-13 снежня ў Мінску. На форуме вызначаць стратэгіі і задачы развіцця навукі Беларусі да 2040 года. Чакаецца прыезд больш як дзвюх з паловай тысяч дэлегатаў, у тым ліку каля 500 замежных гасцей, вядомых навукоўцаў Саюзнай дзяржавы, СНД, вядучых замежных акадэмій навук, сусветных навукова-даследчых арганізацый і цэнтраў. Другі з\'езд вучоных закліканы ацаніць зробленае, падвесці вынікі Года навукі, адзначыць праблемныя месцы і вызначыць амбіцыйныя задачы на перспектыву.

На выбарах у мясцовыя саветы дэпутатаў з\'явяцца новыя асобы і маладыя палітыкі, лічыць старшыня Цэнтрвыбаркама Беларусі Лідзія Ярмошына. У Віцебску яна правяла семінар-вучобу для членаў акруговых і тэрытарыяльных выбарчых камісій рэгіёну. Выбары і на гэты раз будуць трымацца на жаночых плячах, адзначыла Лідзія Ярмошына, — больш за 80% членаў выбаркамаў – жанчыны. А вось моладзі ў іх складзе стала менш у параўнанні з папярэдняй кампаніяй 2014-га года.

Аграгарадок Альшанка і пасёлак Акцябрскі Чашніцкага раёна атрымалі прыродны газ. Ва ўрачыстай цырымоніі запальвання сімвалічнага факела прынялі ўдзел старшыня Віцебскага аблвыканкама Мікалай Шарснёў і член Савета Рэспублікі Нацыянальнага сходу Беларусі генеральны дырэктар «Віцебскаблгаза» Пётр Шэршань. Альшанка і Акцябрскі сталі апошняй кропкай на карце газіфікацыі малых населеных пунктаў вобласці ў 2017 годзе. Газіфікацыя сельскай мясцовасці – адна з задач дзяржаўнай праграмы \"Камфортнае жыллё і спрыяльнае асяроддзе\". Сёлета на Віцебшчыне прыродны газ быў падведзены да дзясятка малых населеных пунктаў.

Цэнтральная раённая бальніца Міёраў павінна прыняць першых пацыентаў ў пачатку вясны будучага года. Такую задачу паставіў намеснік прэм\'ер-міністра Васіль Жарко. У райцэнтры ён правёў прыём грамадзян, а таксама пракантраляваў ход будаўніцтва сацыяльна-важнага аб\'екта.

Дэпутаты Віцебскага аблсавета зацвердзілі пералік населеных пунктаў, на якія будзе распаўсюджвацца ўказ Прэзідэнта Беларусі аб развіцці гандлю, грамадскага харчавання і бытавых паслуг на вёсцы і ў малых гарадах.

Расійскі рэгіён наведалі прадстаўнікі буйнейшых прадпрыемстваў і кампаній у сферы машынабудвання, харчовай і перапрацоўчай прамысловасці, прадстаўнікі гандлёва-прамысловай палаты і аблаcнога саюза наймальнікаў.

Каманда Віцебскай вобласці стала лепшай на конкурсе «Настаўнік года Рэспублікі Беларусь». «За значны асабісты ўклад і развіццё сістэмы адукацыі, высокія паказчыкі ў справе навучання і выхавання падрастаючага пакалення, прафесіяналізм» лепшыя педагогі паўночнага рэгіёну атрымалі ганаровыя граматы і падзякі ад старшыні аблвыканкама Мікалая Шарснёва.

Перапрафіліраванне аграпрамысловага комплексу Віцебскай вобласці павінна забяспечыць фінансавую ўстойлівасць прадпрыемстваў. Сур\'ёзныя крокі ў гэтым накірунку будуць зроблены ў наступным годзе. Гэтага запатрабаваў Прэзідэнт краіны і звярнуў увагу на неабходнасць кардынальна памяняць падыходы да вядзення сельскай гаспадаркі, вызначыцца з арыентацыяй сельскагаспадарчай вытворчасці – малако, ялавічына, свініна ці птушка. Галоўнае, забяспечыць эканамічную эфектыўнасць.

У абласным цэнтры пачалося грамадскае абмеркаванне архітэктурна-планіровачнай канцэпцыі аб\'екта «Спецыялізаваная зала для скачкоў на батуце ў Віцебску». Тэндар на яго распрацоўку выйгралі спецыялісты «Віцебскграмадзянпраекта». Месца, дзе збіраюцца узвесці спартыўную залу, вызначылі на свабоднай ад забудовы тэрыторыі ў цэнтры горада – побач з перакрыжаваннем праспектаў Маскоўскага і Перамогі. Новую арэну будзе адрозніваць функцыянальнасць, надзейнасць і даўгавечнасць.

Аляксандра Субоціна прадставілі кіруючаму актыву вобласці. Да гэтага часу ён займаў пасаду намесніка міністра сельскай гаспадаркі і харчавання — дырэктара Дэпартамента ветэрынарнага і харчовага нагляду.