Кіраўніцтва Віцебскай вобласці віншуе вернікаў, якія святкуюць Божае Нараджэнне 25 снежня

Дарагія жыхары Віцебшчыны!

Шчыра віншуем усіх хрысціян, якія святкуюць Божае Нараджэнне 25 снежня!

Раство Хрыстова – сямейнае свята, якое сустракаюць сярод родных і блізкіх, атуленыя іх пяшчотай і клопатам. Падчас калядных дзён мы адчуваем непарыўную сувязь пакаленняў, як ніколі разумеем патрэбу ў чалавечай цеплыні і шчырасці.

Святочныя ўрачыстасці напаўняюць нас чыстымі думкамі, натхняюць на добрыя справы і міласэрнасць. У гэтыя дні мы імкнемся да згоды і ўзаемаразумення.

Няхай святочны настрой стане невычэрпнай крыніцай сіл для працы, творчасці і стасункаў з блізкімі. Жадаем спакою для душы, моцнага здароўя для цела, дабрабыту, шчасця і згоды кожнай сем’і.

З Раством Хрыстовым!